თბილისის საქალაქო სასამართლომ სპეცოპერაციისას დაკავებულ პირს აღმკვეთი ღონისძიების სახით პატიმრობა შეუფარდა. მოსამართლე რომან ხორავამ სრულად გაიზიარა ბრალდების პოზიცია აღკვეთის ღონისძიების სახედ პატიმრობის შეფარდების თაობაზე.

პროცესი საქალაქო სასამართლოში დახურულ რეჟიმში მიმდინარეობდა. ამის შესახებ შუამდგომლობა პროკურატურამ დააყენა, რასაც დაცვის მხარეც დაეთანხმა.

სპეცოპერაციის დროს დაკავებულ ს.დ.-ს ბრალი უცხო ქვეყნის ტერორისტულ ორგანიზაციაში გაერთიანებასა და ტერორისტულ საქმიანობაში დახმარებისთვის ედება; ასევე, ცეცხლსასროლი იარაღის, საბრძოლო მასალის, ფეთქებადი ნივთიერების და ასაფეთქებელი მოწყობილობის ტერორისტული მიზნით მართლსაწინააღმდეგო შეძენა/შენახვა/ტარებისთვის წარედგინა ბრალი საქართველოს სისხლის სამართლის კოდექსის 328-ე და 323 პრიმა მუხლის პირველი ნაწილით, რაც სასჯელის სახედ და ზომად ითვალისწინებს თავისუფლების აღკვეთას 10-დან 17 წლამდე ვადით.