პრემიერ-მინისტრის, მამუკა ბახტაძის თქმით, მარიხუანის კანონპროექტზე, კერძოდ კანაფის კულტივაციასთან დაკავშირებით საზოგადოებასთან მეტი კომუნიკაცია იყო საჭირო. ამის შესახებ ბახტაძემ ტელეკომპანია „იმედის“ ეთერში ისაუბრა.
„რაც შეეხება კულტივაციას, ვფიქრობ რომ ამ ნაწილში მეტი კომუნიკაცია იყო საზოგადოებასთან საჭირო. ამის გამო, ჩვენმა პოლიტიკურმა გუნდა მიიღო გადაწყვეტილება რომ შეაჩეროს მეორე ინიციატივა და გავმართოთ დამატებითი კონსულტაციები ყველა მხარესთან ვინც დაინტერესებულია“.
პრემიერს თქმით, სანამ არ მოხდება კონსესუსის მიღწევა და დიალოგის წარმოება მთავრობა „მეორე ინიციატივას ფურსირებას ვერ გავუკეთებს“.
პარლამენტმა კანაფის კულტივაცია-ექსპორტის კანონპროექტის განხილვა, სასულიერო პირების პროტესტის ფონზე, შეაჩერა და გაურკვეველი დროით გადადო. უმრავლესობა მიიჩნევს, რომ ამ კანონპროექტით მარიხუანის მოხმარება არ წახალისდება. ამის მიუხედავად, პარლამენტის თავმჯდომარის თქმით, თუ არსებობს საფრთხე, რომ ამ კანონპროექტმა შეიძლება ნარკოტიკული საშუალებების არალეგალური მიმოქცევა წაახალისოს, მას გაიწვევენ.
კობახიძე: თუ ნარკოტიკული საშუალებების არალეგალური მიმოქცევა წახალისდება, პროექტს გამოვიწვევთ