საქართველოს ადვოკატთა ასოციაციის ინფორმაციით, 18 მაისს ქალაქ ქუთაისში, ლეონიძის ქუჩის მიმდებარე ტერიტორიაზე ადვოკატ ოლიკო კვინიკაძესა და მისი ოჯახის წევრებზე თავდასხმა მოხდა. კერძოდ, ადვოკატსა და მის ოჯახის წევრებს თავს დაესხა და ფიზიკურად გაუსწორდა რამდენიმე უცნობი პირი.
შინაგან საქმეთა სამინისტროს ინფორმაციით, იმერეთის რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა ხულიგნობისა და ძალადობის ბრალდებით ერთი პირი უკვე დააკავეს.
„სამართალდამცველებმა გ.კ. დანაშაულის ჩადენიდან მალევე დააკავეს ხოლო, სხვა პირების დადგენა-დაკავების მიზნით შესაბამისი საგამოძიებო მოქმედებები გრძელდება. გამოძიება ხულიგნობისა და ძალადობის ფაქტებზე მიმდინარეობს, საქართველოს სისხლის სამართლის კოდექსის 239ე და 126-ე მუხლებით," - ამბობენ უწყებაში.