საქართველოს პრეზიდენტი სალომე ზურაბიშვილი სვეტიცხოვლობის დღესასწაულთან დაკავშირებით მცხეთაში იმყოფებოდა.
„ჩვენს მოსახლეობა მინდა ეს დღესასწაული მივულოცო, ეს არის ნამდვილი ქრისტიანული და ქართული დღესასწაული. ასეთი დღესასწაული არსად არ არის და ჩვენ ამის ყველაზე დიდი მადლი გვაქვს. ამიტომ მინდა დღეს ეს ზეიმი ყველას მოგილოცოთ. ხო რაც შეეხება შეწყალების თემას, არა რატომ უნდა მივსულიყავი პროკურატურაში?“, - განაცხადა პრეზიდენტმა.
ჟურნალისტების კითხვაზე იყო თუ არა ის შეწყალების სკანდალთან დაკავშირებით პროკურატურაში გამოკითხვაზე, პრეზიდენტმა ჟურნალისტებს კითხვა უკან შეუბრუნა, „არა, რატომ უნდა მივსულიყავი პროკურატურაში?“, - განაცხადა მან.
პრეზიდენტმა არც სხვა შეკითხვებზე ისურვა პასუხის გაცემა და მიმდებარე ტერიტორია დაცვის თანხლებით დატოვა.
