Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ღია წერილი თეა წულუკიანს

07 ივნისი 2018

მოგესალმებით ქალბატონო თეა!

ალბათ გაინტერესებთ, რატომ გწერთ მედიის მეშვეობით, ღია წერილის ფორმატში.

იქნებ იმიტომ, რომ აი უკვე მეორე თვეა უშედეგოდ ვცდილობთ თქვენგან საჯარო ინფორმაციის მიღებას.

მოგმართეთ ოფიციალურად.

შემდეგ მოგწერეთ ონლაინ.

შემდეგ გირეკეთ ცხელ ხაზზე.

მალევე მოგაბეზრეთ თავი, რადგან აღარც ცხელ ხაზზე გვპასუხობთ და აღარც სამინისტროს ოფიციალურ ფეისბუკგვერდზე „გვსინავთ”.

პრინციპში რა აუცილებელია, მოქალაქეს მიეწოდოს საჯარო ინფორმაცია, მით უფრო, როცა ამ ინფორმაციის მიხედვით საკუთარი კანონსაწინააღმდეგო უმოქმედობა უნდა აღიაროთ.

უმოქმედობა, როგორც დემოკრატიული სახელმწიფოს იუსტიციის მინისტრის ერთადერთი პასუხი სახალხო დამცველის 2015 წლის წინადადებას, შემოიღოთ ტრანსგენდერი ადამიანებისთვის გენდერული იდენტობის აღიარების პროცედურა, როგორც ამას ეროვნული და საერთაშორისო კანონმდებლობა გავალებთ.

ქალბატონო თეა, არ გესიამოვნებათ, მაგრამ უნდა იცოდეთ, რომ გადავწყვიტეთ საჯარო წერილებით მოგმართოთ სისტემატურად, ვიდრე არ შეასრულებთ თქვენზე კანონით დაკისრებულ ვალდებულებებს, როგორც საჯარო ინფორმაციის გაცემასთან, ისე კანონის შესასრულებლად აუცილებელი კანონქვემდებარე აქტის გამოცემასთან დაკავშირებით.

ალბათ მკითხავთ, რატომ არ გცემთ პატივს. ეს ხომ ამ წერილიდან ადვილად იკითხება.

იმიტომ, ქალბატონო თეა, რომ თქვენ არ სცემთ პატივს არც იმ ღირებულებებს, რაზეც დგას ადამიანის ღირსებაზე დაფუძნებული სახელმწიფო და არც იმ ადამიანებს, რომელთა მსახურებასაც, როგორც საქართველოს იუსტიციის მინისტრი, დეკლარირებთ.

ნინო ბოლქვაძე - ლგბტ აქტივისტი 

კომენტარები

ამავე რუბრიკაში

16 ოქტომბერი
16 ოქტომბერი

მიფრინავენ წეროები

სად? შორს… დედა სახლიდან სამ საათზე უკანასკნელად გავიდა. რამდენი წლის იყო? ავადმყოფობდა? 81-ის. ავადმყოფობდ ...
12 ოქტომბერი
12 ოქტომბერი

აბა ის სჯობდა?!

დადგა ისევ ის უმნიშვნელო დღე, როცა იურა უნდა მენახა. შვედეთში გაცნობილი რუსი მეგობარი. მე ჩრდილოეთით წამსვლელი არ ვ ...
11 ოქტომბერი
11 ოქტომბერი

მორიგი გაქცევა თვითნაკეთი თავისუფლებისგა ...

ოცდახუთ წელზე მეტია დამოუკიდებელ საქართველოში არჩევნები ახალი ისტორიის ისტერიულ მართლწერასა თუ უბრალოდ, კარნახის წერას ჰ ...

მეტი

^