მოსკოვმა და ცხინვალმა ოფიციალური შეთანხმება გააფორმეს. მარტის დასაწყისიდან სამხრეთი ოსეთის მოსახლეობას რუსეთში შესასვლელად ვიზები აღარ დასჭირდება. ამ შეთანხმების მიხედვით, ისინი  რუსეთში ვიზის გარეშე დარჩენას 90 დღის განმავლობაში შეძლებენ. "ამისათვის მხოლოდ პირადობის მოწმობა და მოქალაქეობის დამადასტურებელი დოკუმენტი უნდა იქონიონ თან", - განაცხადა ცხინვალის დე ფაქტო ხელისუფლების საგარეო საქმეთა მინისტრმა მურატ ჯიოევმა.

ტელეკომპანია "რუსთავი 2"-ის კუთვნილი შენობის ჩამონგრევის შედეგად გარდაცვლილი ნიკა გელაშვილის ოჯახმა 18 დეკემბერს, გამოძიების თავიდან წარმოების მოთხოვნით,  პროკურატურაში განცხადება შეიტანა. ადვოკატები მერაბ ჩიქოვანი და გაგი მოსიაშვილი განმარტავენ, რომ საქმეში არის დანაშაულის ნიშნები, რომელიც კონკრეტულ პირთა სისხლის სამართლებრივ პასუხისმგებლობაზე მიუთითებს. "სასამართლო სხდომაზე კი არ მოგვეცა საშუალება, მსჯელობა ყოფილიყო ჩვენ მიერ წარდგენილ შუამდგომლობებზე. გამოძიების მიერ დაშვებული კანონდარღვევების გამო, მთავარ პროკურორს გამოძიების თავიდან დაწყებას ვთხოვთ", - ამბობს მერაბ ჩიქოვანი.

პარლამენტის საშემოდგომო სესიის ბოლო სხდომაზე საზოგადოებრივი მაუწყებლის სამეთვალყურეო საბჭოს წევრები აირჩიეს.

15-წევრიან საბჭოში შვიდი ვაკანსია შეივსო. არჩეულ კანდიდატებს შორის "მედია კლუბის" სამი წევრი მოხვდა: ნინო დანელია - საქართველოს საზოგადოებრივ საქმეთა ინსტიტუტის პროგრამის კოორდინატორი და მედია მკვლევარი, ლიკა ჩახუნაშვილი - კავკასიის უნივერსიტეტის მედიის სკოლის დეკანი და "ლიბერალის" რედაქტორი შორენა შავერდაშვილი.

ვაშაძემდე პარიზში სამხედრო და ენერგეტიკული თანამშრომლობის საკითხებზე მოსალაპარაკებლად რუსეთის პრემიერ-მინისტრი ვლადიმირ პუტინი იმყოფებოდა. სწორედ ამ ვიზიტის დროს განიხილეს რუსულმა და ფრანგულმა მხარეებმა წყალხმელეთა მოიერიშე ხომალდის - "მისტრალის" ყიდვის შესაძლებლობები.

4 დეკემბერს მედიის 140-მა წარმომადგენელმა ხელი მოაწერა ჟურნალისტური ეთიკის ქარტიას და აირჩია საბჭო, რომელიც საზოგადოებისგან მიღებულ საჩივრებს განიხილავს და ამ ფორმით გააკონტროლებს, რამდენად იცავენ ხელმომწერი ჟურნალისტები ეთიკის ფუნდამენტურ პრინციპებს.

ეს მედიის თვითრეგულირების მესამე მცდელობაა. ამჯერად ქარტიის ტექსტი ევროპის საბჭოს ექსპერტებთან წლინახევრიანი კონსულტაციებისა და ქართველ ჟურნალისტებთან რეგულარული შეხვედრების შედეგად დაიწერა.

ცხინვალის ტელევიზიამ დაკავებული არასრულწლოვნების დაკითხვის ამსახველი ვიდეომასალა გამოაქვეყნა. კადრებიდან ჩანს, რომ მოზარდები საზღვრის უკანონოდ გადაკვეთას აღიარებენ. მათი განცხადებით, ისინი გიორგი რომელაშვილის სახლის სანახავად მიდიოდნენ.

39 ადგილით დაწინაურდა და 81-ე ადგილზე აღმოჩნდა საქართველო პრესის თავისუფლების ინდექსში (ორგანიზაცია "ჟურნალისტები საზღვრებს გარეშე").

5,5 პროცენტი იქნება მიმდინარე წელს საქართველოს ეკონომიკის ვარდნა, ევროპის რეკონსტრუქციისა და განვითარების ბანკის დასკვნის თანახმად.