აშშ-ს სენატის სადაზვერვო კომიტეტში 2 თებერვალს სამხრეთ კავკასიაში არსებულ საფრთხეებზე ისაუბრეს.

ყარაბაღის სამშვიდობო მოლაპარაკებების პროცესში უპრეცედენტო აქტიურობაა. სომხეთისა და აზერბაიჯანის პრეზიდენტები - ილჰამ ალიევი და სერჟ სარგსიანი მიუნხენში მთიანი ყარაბაღის საკითხზე საგანგებო, წელს უკვე მეექვსე შეხვედრას გამართავენ.

ირანის უმაღლესი ხელისუფლება, ეტყობა, თვითონაც არ მოელოდა პროტესტის ისეთ უკიდურეს ფორმებს, როგორსაც 2009 წელს საპრეზიდენტო არჩევნების შედეგების ოფიციალურად გამოცხადებისა და "დაკანონებისას" წააწყდა.

ინგუშეთის პრეზიდენტმა იუნუს-ბეკ ევკუროვმა რამდენიმე დღის წინ ისევ განაცხადა, რომ აღარ აქვს პრეტენზია პრიგოროდნი რაიონზე. 
პრიგოროდნი რაიონი ინგუშეთისა და ჩრდილოეთ ოსეთის სადავო მიწაა, რომელიც 90-იან წლებში სისხლიანი კონფლიქტის მიზეზი გახდა. დღეს ეს ტერიტორია ჩრდილოეთ ოსეთის რესპუბლიკის შემადგენლობაშია, ოსურ-ინგუშური კონფლიქტი კი მოუგვარებელია.
"პრიგოროდნი რაიონი ჩრდილოეთ ოსეთის შემადგენლობაში დარჩება. ინგუშეთს პრეტენზია არ აქვს და აზრის შეცვლას არ აპირებს", - განაცხადა ევკუროვმა, რომელიც ტერაქტის შედეგად მიღებული მძიმე ტრავმების შემდეგ თავის პოსტს ცოტა ხნის წინ დაუბრუნდა.

საქართველო, სომხეთი და აზერბაიჯანი საერთო ეკოლოგიური საფრთხის წინაშე დგანან. მდინარე მტკვრის დაბინძურებაში წვლილი სამივე ქვეყანას შეაქვს, პრობლემის გადასაჭრელად კი ერთიანი გეგმის შემუშავება ვერ მოხერხდა.
საბჭოთა კავშირის დაშლისა და ინდუსტრიული წარმოების შემცირების შემდეგ მტკვარი ძირითადად ჩამდინარე წყლებით ბინძურდება. გამწმენდი ნაგებობები კი  ამ ქვეყნებში, თითქმის ოცი წელია, არ განახლებულა.

ერთმანეთისადმი მტრულად განწყობილ ორ მეზობელს - თურქეთსა და სომხეთს პირველად მიეცათ ურთიერთობის მოგვარების საშუალება. 31 აგვისტოს ცნობილი გახდა სომხეთ-თურქეთის "საგზაო რუკის" დეტალები, რაც მანამდე საიდუმლოდ ინახებოდა. სომხეთის, თურქეთის და შვეიცარიის (შუამავალი ქვეყანა) საგარეო საქმეთა უწყებებმა ერთობლივად განაცხადეს, რომ "საგზაო რუკა" სომხეთ-თურქეთის ურთიერთობების ნორმალიზების გზების რეალურ ვადას ადგენს.
"შიდა პოლიტიკური კონსულტაციები ექვს კვირას გასტანს. შემდეგ ხელი მოეწერება ორ ოქმს, რომლებიც შესაბამის პარლამენტებს რატიფიცირებისთვის წარედგინება", - ნათქვამია განცხადებაში.

«ჩეჩნეთის გული» - ასე ჰქვია ახალ მეჩეთს გროზნოს ცენტრში. ამბობენ, რომ ეს ყველაზე დიდი მეჩეთია ევროპაში სტამბოლის შემდეგ. 
«ჩეჩნეთის გული» რესპუბლიკის ახალგაზრდა პრეზიდენტმა რამზან კადიროვმა ააშენა და მამის - აჰმად კადიროვის ხსოვნას მიუძღვნა.

არჩევნების შემდეგ მსოფლიოს ყურადღება თითქოს შენელდა ირანის  მიმართ, მაგრამ თავად ქვეყნაში სიტუაცია კიდევ უფრო გამძაფრდა. დღეს მიმდინარე პროცესები ადრე თუ გვიან აუცილებლად გახდება ამჟამინდელი რეჟიმის, თუ სრული ცვლილების არა, რადიკალური მოდერნიზაციის საფუძველი

აზერბაიჯანელი ბლოგერების დაპატიმრება შემაშფოთებელი სიგნალია  საერთაშორისო საზოგადოებისთვის.  აზერბაიჯანს არ სურს დემოკრატიული ცვლილებები ქვეყანაში.
9 ივლისს ახალგაზრდული მოძრაობა Alumny network-ის ლიდერი ემინ აბდულლაევი (ასევე ცნობილი როგორც მილლი) და ორგანიზაცია OL-ის ხელმძღვანელი ადნან გაჯიზადე ბაქოს ცენტრში ერთ-ერთი რესტორნის მაგიდასთან ისხდნენ, როცა მათ ორი სპორტული აღნაგობის ახალგაზრდა კაცი მიუახლოვდა.