05.06.2012
კიევში გადაფრენა 22 ევროდ იქნება შესაძლებელი
27 სექტემბრიდან საქართველოს მოქალაქეებს კიევში 22 ევროდ ჩაფრენა შეეძლებათ. მემორანდუმი კომპანია ,,ვიზ ეარის” გენერალურმა დირექტორთან გუშინ კოპიტნარში გაფორმდა.
მემორანდუმის გაფორმებას ესწრებოდა საქართველოს პრეზიდენტიც, რომელმაც კიევში ფრენა მოსახლეობის სოციალური მდგომარეობის გამოსწორებას დაუკავშირა.
,,ხალხის ხარჯზე გასუქდნენ და გაქსუვდნენ, დახარბებული წუთიერ შემოსავალს, სხვადასხვა ავიაკომპანიები და ბიზნესები. “ - განაცხადა მიხეილ სააკაშვილმა. მისი თქმით, კიევში მოხვედრა ამიერიდან ქართველებს 22 ევროდ შეეძლებათ, ლონდონამდე კი ავიაკომპანიამ შეიძლება 15 ევრო დაამატოს მგზავრობის საფასურს. ,, 22 ევროდ ტაქსი არ ჩამოგიყვანს ხაშურიდან ქუთაისში და ახლა ბოინგი ჩაგიყვანს ევროპაში.” - დასძინა პრეზიდენტმა.
პრეზიდენტი ქუთაისის საერთაშორისო აეროპორტის მნიშვნელობასაც შეეხო - მისი თქმით, ასეთი ინიციატივები ხელს გაუმართავს სოციალური პრობლემების წინაშე მდგომ ოჯახებს და ამ აეროპიორტს დიდი მნიშვნელობა აქვს არა მარტო ქუთაისის, არამედ წყალტუბოს, ფოთის, ქუთაისის, სამტრედიის, ზესტაფონის მცხოვრებთათვის. ქუთაისის ერთგვარ ცენტრად ქცევა, იქ პარლამენტის შენობის აშენება და მილიონიანი ინვესტიციების დაბანდებაც, პრეზიდენტის თქმით, სწორედ ამ მიზანს ემსახურება.
,,ეს არის მართლაც ფანტასტიკის ზღვარზე, რაც კეთდება ქუთაისში” - ასე შეაფასა ქვეყნის პირველმა პირმა საკუთარი ინიციატივა.
ზურაბ ვარდიაშვილი