29.05.2012
მაია მიმინოშვილი ბიძინა ივანიშვილს შეხვდა
გამოცდების ეროვნული ცენტრის ხელმძღვანელი მაია მიმინოშვილი კოალიცია ქართული ოცნების ლიდერ ბიძინა ივანიშვილს შეხვდა. აღნიშნული ინფორმაცია “ლიბერალს” "ქართული ოცნების" პრესსპიკერმა მაია ფანჯიკიძემ დაუდასტურა. ფანჯიკიძის თქმით, ჯერჯერობით საუბრის დეტალებზე ვერ ისაუბრებს. პრესპიკერი დაგვპირდა, რომ შეხვედრის თაობაზე საგანგებო განცხადებას მალე გაავრცელებენ.
ეროვნული გამოცდების ცენტრის დირექტორი მაია მიმინოშვილი გუშინ განათლების მინისტრმა დიმიტრი შაშკინმა მოულოდნელად გაათავისუფლა. ოფიციალური ვერსიით, გათავისუფლების მიზეზი მიმინოშვილის პირადი პოზიციის და სამინისტროს პოლიტიკასთან შეუთავსებლობა გახდა.
ცენტრს გამოცდების პერიოდში, სექტემბრამდე კოკა სეფერთელაძე უხელმძღვანელებს. სეფერთელაძე მინისტრის პირველი მოადგილე და განათლების ხარისხის განვითარების ეროვნული ცენტრის დირექტორია.
ზურაბ ვარდიაშვილი