05.07.2012
ვინ დასდევს ეკა დუგლაძეს?
ერთი კვირის განმავლობაში ინფო 9-ის ჟურნალისტს ეკა დუგლაძეს “მედია ჯგუფის” ხუთამდე თანამშრომელი ვიდეოკამერებით დაჰყვება მუშაობის დროს პროვოკაციულ კითხვებს უსვამს და ხელს უშლის.
ინფო 9-ის დირექტორის მანანა ელიაშვილის განცხადებით ე.წ. “მედია ჯგუფის” ჟურნალისტები “იმერვიზიის” თანამშრომლები არიან, ეს ინფორმაცია “იმერვიიზიის” დირექტორმა ინგა ჯაჯანიძემ "ინფო 9-სთან" სატელეფონო საუბარში დაადასტურა.
კადრები, რომელსაც “მედია ჯგუფი” იღებს, მანანა ელიაშვილის თქმით “იმერვიიზიის” ეთერში არ გადის. ვიდეოები ინტერნეტ ტელევიზია ITV-ის ვებ-გვერდზეა განთავსებული.
“ეს კადრები დავდეთ ჩვენ და ITV-იმ. რა კავშირია “იმერვიზია”,“მედია ჯგუფსა” და ITV-ის შორის არ ვიცი, მაგრამ კავშირი, რომ აქვთ, ფაქტია” - თქვა ელიაშვილმა.
მის განცხადებით ე.წ. “მედია ჯგუფი” ეკა დუგლაძის დევნის და მას პროფესიული საქმიანობაში ხელს უშლის.
“ეს ფსიქოლოგიური ზეწოლა და მუშაობაში ხელისშეშლაა. ეს ქმედებები კი კანონით ისჯება. ჩვენ ყველა მასალა მოვაგროვეთ, ვაპირებთ სამრთალდამცავებს მივმართოთ. ეკა დუგლაძე განცხადებას თვითონ შეიტანს. ჩვენ ყველა კანონიერ გზას გამოვიყენებთ, რათა ამ ადამიანების ქმედებები ავღკვეთოთ” - თქვა მანანა ელიაშვილმა.
[video:http://www.youtube.com/watch?v=K7eX_AwYTvk]
ირაკლი კაკაბაძე