31.07.2012
კარდაკარის პრინციპით 3 483 142 ამომრჩეველი შემოწმდა
საარჩევნო სიების დაზუსტების სახელმწიფო კომისიამ კარდაკარის პრინციპით 3 483 142 ამომრჩეველი შეამოწმა.
კომისიის თავმჯდომარის განცხადებით, კარდაკარის პრინციპით შემოწმებისას გარდაცვლილი აღმოჩნდა 25 949 ამომრჩეველი, საზღვარგარეთ 291 871 ამომრჩეველი იმყოფება, რეგისტრაციის მისამართიდან მოხსნილია -132 156, შიდა მიგრაციაშია - 649 839, ხოლო - 183 621 ამომრჩეველთან კონტაქტი ვერ დამყარდა.
პრეზენტაციაზე პარლამენტის თავმჯდომარემ დავით ბაქარაძემ კმაყოფილება გამოთქვა კომისიის მუშაობასთან დაკავშირებით და აღნიშნა, რომ კომისიის მუშაობის შედეგად ამომრჩეველთა სიებთან დაკავშირებული საკითხები პრობლემატური აღარ იქნება.
"ეს სამუშაო ერთხელ და სამუდამოდ წერტილს უსვამს ნებისმიერ სპეკულაციას იმასთან დაკავშირებით, თუ რამდენად სუსტია საარჩევნო სიები საქართველოში. ეს წარმოადგენს წინ გადადგმულ ნაბიჯს ოქტომბრის საპარალმენტო არჩევნების უკეთ ორგანიზებისთვის. კომისიას მუშაობა არ დაუსრულებია და მე მოვუწოდებ მათ, გააგრძელონ მუშაობა ყველა პოლიტიკურ თუ არასამათავრობო ორგანიზიციის ნებისმიერ წარმომადგენელთან, რომ შემდგომი შესწორებებიც იყოს ასახული ამომრჩეველთა სიაში" - განაცხადა დავით ბაქარძემ.
ხელისუფლების წარმომადგენლებთან ერთად სიების შედეგების პრეზენტაციას არასამათავრობო და საერთაშორისო ორგანიზაციების წარმომადგენლებიც ესწრებოდნენ, მათ შორის ევროკავშირის ელჩი ფილიპ დიმიტროვი, NDI-ს ხელმძღვანელი ლუის ნავარო და სხვები.
ირაკლი კაკაბაძე