01.08.2012
ბიძინა ივანიშვილი მთავრობის წინააღმდეგ საერთაშორისო არბიტრაჟში დავას იწყებს
კოალიცია „ქართული ოცნების“ ლიდერი საქართველოს მთავრობას საინვესტიციო უფლებების დარღვევაში ადანაშაულებს.
კოალიციის პრეს სპიკერის მაია ფანჯიკიძის თქმით, ოქტომბრიდან მოყოლებული მთავრობის მიერ ბიძინა ივანიშვილისათვის მიყენებული ზარალი რამდენიმე ასეულ მილიონს აღწევს.
პოლიტიკოსის ადვოკატი არჩილ კბილაშვილი ასეთ დარღვევებად ბანკ "ქართუსთან" დაკავშირებულ უკანონო ქმედებებს ასახელებს, მათ შორის -დაჯარიმებას, საკასაციო მანქანის დაპატიმრების ფაქტს, ასევე ძალოვანი სტრუქტურების მხრიდან ზეწოლის შედეგად ბანკიდან კაპიტალის გადინებას და სხვა.
დავა ეხება ყადაღასაც, რომელიც "პროგრესბანკში" ივანიშვილის წილს დაედო.
პოლიტიკოსის ადვოკატი აცხადებს, რომ ჩადენილი დანაშულის აღიარებისათვის და ზარალის ანაზღაურებისათვის მთავრობას 14 დღიანი ვადა მისცეს, რის შემდეგაც მისი თქმით, დავა მსოფლიო ბანკთან არსებულ საინვესტიციო დავების განხილვის საერთაშორისო ცენტრში დაიწყება.
„უკანასკნელი შეტყობინება დავის შესახებ“ საქართველოს პრეზიდენტსა და იუსტიციის სამინისტროს უკვე ჩაბარდა.
უკვე ცნობილია, რომ ივანიშვილის ინეტრესებს იურიდიული კომპანია „სკადენის“ ვაშინგტონისა და ლონდონის ოფისის წარმომადგენლები დაიცავენ.
ზურაბ ვარდიაშვილი