აშშ-ის ეროვნული დაზვერვის დირექტორ ჯეიმს კლეპერის განცხადებით, ტერორისტული დაჯგუფება „ალ-ქაიდას“ ერთ-ერთი განშტოება სირიაში ამერიკისთვის სერიოზულ საფრთხეს წარმოადგენს და ტერორისტული შეტევებისთვის ემზადება.
ამერიკული დაზვერვის ინფორმაციით, საუბარია დაჯგუფება „ხორასანზე“, რომელიც „ალ-ქაიდას“ ავღანელი და პაკისტანელი გამოცდილი მეომრებით არის ფორმირებული. მათი თქმით, ამ დროისთვის „ხორასანი“ გაცილებით დიდ საფრთხეს წარმოადგენს აშშ-ის ეროვნული უსაფრთხოებისთვის, ვიდრე დაჯგუფება „ისლამური სახელმწიფოს“ მეომრები.
კლეპერის განცხადებით, ამ განშტოების მეომრები ევროპასა და აშშ-ში ტერაქტების მოსაწყობად (მათ შორის, ამერიკის სამოქალაქო თვითმფრინავებზე) დასავლეთის ქვეყნებში მცხოვრები ისლამისტების გადაბირებას აპირებენ.
