საქართველოს პრეზიდენტ გიორგი მარგველაშვილის იაპონიის სახელმწიფო მინისტრ მინორუ კიუჩისთან შეხვედრაზე ცნობილი გახდა, რომ იაპონიაში ოფიციალურ დოკუმენტებში საქართველოს „გრუზიას" ნაცვლად „ჯორჯიად" მოიხსენიებენ.
საგარეო ურთიერთობათა საკითხებში საქართველოს პრეზიდენტის მრჩევლის, თენგიზ ფხალაძის თქმით, იაპონიის პარლამენტი ამ საკითხის განხილვას 2015 წლის საგაზაფხულო სესიაზე დაიწყებს.
„საგარეო საკითხებში სახელმწიფო მინისტრთან პირველი შეხვედრა უკვე შედგა. მასთან ვისაუბრეთ ორმხრივ ურთიერთობასთან დაკავშირებულ საკითხებსა და საქართველოს ოკუპირებულ ტერიტორიებზე, მათ შორის, აფხაზეთში შექმნილ ვითარებაზე. ერთ-ერთი თემა რუსეთ-აფხაზეთს შორის გასაფორმებელი ხელშეკრულებაა", - თქვა თენგიზ ფხალაძემ.
საქართველოს პრეზიდენტი ოფიციალური ვიზიტით იაპონიაში იმყოფება.
