პრეზიდენტის სარეზერვო ფონდის დაფინანსებით ვებ-არქივი ava.ge შეიქმნა. პროექტის განხორციელებაში ჩართულები არიან საქართველოს ეროვნული არქივი, ლიტერატურის მუზეუმი, საქართველოს პარლამენტის ეროვნული ბიბლიოთეკა, ქართულ-აფხაზურ ურთიერთობათა ინსტიტუტი, ხელოვნების სასახლე, საქართველოს საზოგადოებრივი მაუწყებელი და შინაგან საქმეთა სამინისტრო.
"აფხაზეთის ვირტუალური არქივი - AVA არის ვებ-არქივი, სივრცე, სადაც განთავსებულია საარქივო ინფორმაცია აფხაზეთის შესახებ: ფოტო, ვიდეო, წიგნი, გაზეთი, ხელნაწერი, რუკა, ასევე საოჯახო არქივები.
ვებ-გვერდი შეიქმნა აფხაზეთით დაინტერესებული ადამიანებისთვის, ეს ვირტუალური სივრცე აერთიანებს მასალებს, რომელიც ხელმისაწვდომია ნებისმიერი მომხმარებლისთვის.
AVA პირად არქივებსაც აგროვებს; დაინტერესებული პირი, ვისაც შესაბამისი მასალა აქვს, თავად შეძლებს ინფორმაცია გაგზავნოს და ვებ-არქივის მომხმარებლისთვის ხელმისაწვდომი გახადოს.
