„სრულებით გაუმართლებელია, რომ ღმერთს დააბრალო სისასტიკე სრულებით უდანაშაულო ადამიანებისა და ცხოველების მიმართ“, - ეპისკოპოსი მალხაზ სონღულაშვილი „ლიბერალთან“ სტიქიით დაზარალებულებზე და გაკეთებულ შეფასებებზე საუბრობს.
„ბუნებრივი მოვლენების შედეგს, იმას, რაც ჩვენს თავს ხდება, ვერც ადამიანს დავაბრალებთ, მიუხედავად იმისა, რომ ზოგჯერ შეიძლება ასეც მოხდეს და ვერც ღმერთს. ეს ის სამყაროა, რომელშიც ვცხოვრობთ. როდესაც ადამიანი იტანჯება, როდესაც თითოეული არსება იტანჯება დედამიწაზე, ღმერთი მასთანაა და არასდროს ტოვებს. ამ ბუნებრივი მოვლენების ღმერთზე, ადამიანზე, ადამიანის შეცდომაზე დაბრალება სრულებით მიუღებელია, შუასაუკუნეობრივ ობსკურანტულ აზროვნებას ასახავს და ქრისტიანულ თეოლოგიასთან საერთო არაფერი აქვს“, - უთხრა „ლიბერალს“ მალხაზ სონღულაშვილმა.