ზურაბ გურიელიძის მხარდასაჭერად აქციაზე ადამიანები უკვე იკრიბებიან. ამ წუთებისთვის რამდენიმე ათეული მოქალაქე კანცელარიის შენობასთანაა.
სამოქალაქო აქტივისტი პაატა საბელაშვილი, რომელიც აქციის ერთ-ერთი ორგანიზატორია, ამბობს, რომ აქციის მთავარი მიზანი ზოოპარკის დირექტორისადმი სოლიდარობისა და მხარდაჭერის გამოხატვაა.
"იმის ნაცვლად, რომ მთავრობა გაუმკლავდეს კრიზისულ სიტუაციას, ცდილობენ ზოოპარკის დირექტორს გადააბრალონ მომხადრი. სოლიდარობას ვუცხადებთ ზურაბ გურიელიძეს და ვაპროტესტებთ მთავრობის უნიათობას", -ამბობს პაატა საბელაშვილი.
აქცის ერთ-ერთი მონაწილეა კინომცოდნე თეო ხატიაშივილი. ის ამობს, რომ მისი აქციაზე ყოფნის მთავარი მიზანია ზურაბ გურიელიძის მხრადაჭრა. მას მიაჩნია, რომ მომხდარის ზოოპარკის დირექტორისთვის გადაბრალებამ საზოგადოებას უსამართლობის განცადა გაუჩინა.
"ამ ადამიანის საქმიანობის მიმართ პოზიტიურად ვიყავი განწყობილი და მიმდინარე რთულ პერიოდში ერთ-ერთი გამორჩეული იყო თავისი ქმედებებით და ხელისუფლებას მოვუწოდებთ გონიერება გამოიჩინონ და მეტი პასუხისმგებლობით მოეკიდინ კრიზისული ვითარების მართვას", -ამბობს თეო ხატიაშვილი.
აქციის მონაწილის, ქეთევან ფირცხალაშვილის თქმით, ზურაბ გურიელიძეს მხარში დგომა სჭირდება და გამოძიების დრო არ არის, როცა კრიზისული ვითარება გაივლის, შემდგომ უნდა მოხდეს მომხრადის შესწავლა და იმის გარკვევა თუ ვინ არის დამნაშავე.
აქციაზე მოქალაქეების რაოდენობა თანდათან იზრდება. აქციის მონაწილეების კანცელარიის შენობასთან სასტვენებით არიან მისულები.
