მაღალმთიანი რეგიონების განვითარების სფეროში სახელმწიფო მინისტრის თანამდებობისა და მისი აპარატის შექმნის შესახებ მაღალმთიანი მუნიციპალიტეტების წარმომადგენლების წინადადებას საპარლამენტო უმრავლესობა სრულად შეუერთდა, მისი ყველა ფრაქცია, ტაშის გრიალით შეეგება, - ამბობს პარლამენტის გარემოსა და ბუნებრივი რესურსების დაცვის კომიტეტის თავმჯდომარე გია ჟორჟოლიანი.
როგორც ჟორჟოლიანი აღნიშნავს, ეს საკითხი პირდაპირ უკავშირდებოდა საარჩევნო ოლქების ცვლილებებს, რომელიც მისი თქმით, ადგილობრივი და ცენტრალური ხელისუფლებების კავშირს ასუსტებს.
„სამწუხაროდ, ყველას კარგად მოეხსენება, რომ მუნიციპალიტეტების რესურსი და კომპეტენცია შეზღუდულია და სწორედ ამიტომ, ვიღებთ კანონს, სადაც ცენტრალური ხელისუფლების როლი მაღალმთიან რეგიონებში პროექტებისა და პროგრამების განხორციელებისათვის გამოკვეთილია, შესაბამისად, გაუგებრობა რომ არ იყოს საზოგადოებისათვის ისტერიკაა , რომ არანაირი დამატებითი ხარჯი, ყველაფერი უნდა შევამციროთ და არაფერი არ დავხარჯოთ. მერე როგორ უნდა განვავითაროთ, თუ არ დავხარჯავთ", - ამბობს ჟორჟოლიანი.
