თბილისის საკრებულოში ადამიანის უფლებათა დაცვისა და სამოქალაქო ინტეგრაციის კომისიამ და საქართველოს პროფესიული კავშირების გაერთიანებამ თანაშრომლობის მემორანდუმზე მოაწერეს ხელი.
„ჩვენ შორის გამოკვეთილია საერთო მიზნები, ხედვა და ამოცანები. მემორანდუმი გაფორმდა ადამიანის შრომის უფლებების დაცვის კუთხით და ხელმოწერით დავადასტურეთ ჩვენი თანამშრომლობის ნება“, - განაცხადა დედაქალაქის საკრებულოს ადამიანის უფლებათა დაცვისა და სამოქალაქო ინტეგრაციის კომისიის თავმჯდომარემ, გულიკო ზუმბაძემ.
საქართველოს გაერთიანებული პროფკავშირების ხელმძღვანელის, ირაკლი პეტრიაშვილის თქმით, მემორანდუმის გაფორმება ერთობლივი ინიციატივა იყო.
„წარმატებულმა თანამშრომლობამ და ადამიანის უფლებების დაცვამ ბიძგი მისცა ამ ურთიერთობის გაღრმავებას“, - აღნიშნა პეტრიაშვილმა.
„მიუხედავად იმისა, რომ ქვეყანაში უსაფრთხოების პოლიტიკის ნაკლებობაა, საკრებულოს აქვს ამბიცია, რომ თბილისში მაინც იყო უსაფრთხო გარემო. ამისათვის არსებობს უამრავი მექანიზმი. იურიდიული კუთხით ჩვენ ვხედავთ ამის პოტენციალს“, - განაცხადა პეტრიაშვილმა, - „ჩვენი სტრუქტურა მზადაა, ჩაერთოს სამუშაოებში და ხელი შეუწყოს ადამიანების კეთილდღეობას. სოციალური დიალოგი კი ნიშნავს, რომ სახელმწიფო დონეზე მიმდინარეობდეს დიალოგი სამოქალაქო საზოგადოებასთან და ორიენტირებული იყოს პრობლემების მოგვარებაზე“.
