საქართველოს პრემიერის ირაკლი ღარიბაშვილის განხადებით, 2016 წლის 1 ივლისიდან პენსია 180 ლარი გახდება. ამის შესახებ მან მთავრობის სხდომის მიმდინარეობისას განაცხადა.
„გადავწყვიტეთ, რომ 2016 წლის 1 ივლისიდან პენსიები 180 ლარი გახდეს. 2012 წლიდან ჩვენ პენსიები გავზარდეთ დაახლოებით 64%-ით, შედეგად 600 მილიონი ლარით მეტს გავცემთ პენსიონერებისთვის. შეგახსენებთ, რომ 2012 წლამდე პენსია 110 -125 ლარი იყო. ჩვენ გადავწყვიტეთ, რომ გავათანაბროთ ის და გაისად პენსია 180 ლარი იქნება“, - აღნიშნა პრემიერმა.
პრემიერმა ასევე აღნიშნა, რომ მთავრობა ინტერსიურად მუშაობს საპენსიო რეფორმაზე. მისი თქმით, ძალიან მნიშვნელოვანია, რომ დაინერგოს პენსიის დაგროვებითი სისტემა და საქართველო ახალ სისტემაზე ეტაპობრივად გადავიდეს.
მისი თქმით, მთავრობა თავიდანვე აცხადებდა, რომ მომავალი წლის ბიუჯეტი სოციალურად ორიენტირებული იქნებოდა. აღნიშნულიდან გამომდინარე, პრემიერმა განაცხადა, რომ მომავალი წლის ბიუჯეტი სახსრები განკუთვნილი იქნება პენსიებისა და პედაგოგების საბაზო ხელფასების ზრდისთვის, ასევე მაღალმთიანი რეგიონების განთვითარების ხელშეწყობისა და სხვა ღონისძიებებისთვის.