ასოცირების შესახებ შეთანხმებისა და მობილობის ხელშეკრულების რეფორმების მხარდასაჭერად, ევროკომისია საქართველოსთვის 100 მლნ ევროს გამოყოფს.
„ასოცირების ხელშეკრულებით, ევროკავშირ-საქართველოს ურთიერთობები ახალ ეტაპზე გადავიდა. ეს პაკეტი უმთავრესი ელემენტების მხარდასაჭერად გამოიყოფა ამ ურთიერთობაში, რომელიც ასე დაახლოებული არასდროს ყოფილა", - ამბობს ევროკომისარი იოჰანეს ჰანი.
პრესრელიზში, რომელიც ევროკომისიის ვებგვერდზე დღეს გამოქვეყნდა, ნათქვამია, რომ ახალი პაკეტი საქართველოს დაეხმარება, რეფორმები წარმატებით განახორციელოს საჯარო ადმინისტირირების, სოფლის მეურნეობის სფეროებში.
„პაკეტი ხელს შეუწყობს აქტიური სამოქალაქო საზოგადოების განვითარებას, მთავარ ინსტიტუტებს დაეხმარება ასოცირების შეთანხმების იმპელემენტაციაში და ხელს შეუწყობს საქართველოს ვიზალიბერალიზაციის პროცესს", - ნათქვამია პრესრელიზში.
პაკეტი ოთხ სფეროს მოიცავს - საჯარო ადმინისტრირების რეფორმის მხარდაჭერა, ევროპული სამეზობლოს პროგრამა სოფლის მეურნეობის განვითარებისთვის (მე-2 ფაზა), ტექნიკური თანამშრომლობის მექანიზმი და სამოქალაქო საზოგადოების მხარდაჭერა.
