Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სოსო ჯაჭვლიანი მორწმუნეთა გრძნობების შეურაცხყოფისთვის დაჯარიმების ინიციატივით გამოდის

07 დეკემბერი, 2015 16:54

ფრაქცია „ქართული ოცნების" თავმჯდომარის მოადგილის, სოსო ჯაჭვლიანის საკანონმდებლო ინიციატივით, რელიგიური სიწმინდეების, რელიგიური ორგანიზაციის, ღვთისმსახურისა და მორწმუნის მიმართ სიძულვილის საჯაროდ გამოხატვა ან/და ისეთი მასალის გამოქვეყნება ან ჩვენება, რაც მიზნად ისახავს მორწმუნეთა გრძნობების შეურაცხყოფას 300 ლარით უნდა დაჯარიმდეს.

აღნიშნული ქმედებების განმეორებით ჩადენა კი 600 ლარით დაჯარიმდება.

დეპუტატის ინიციატივა ადმინისტრაციულ სამართალდარღვევათა კოდექსში ცვლილებებს ითვალისწინებს, რომელსაც 166-ე პრიმა მუხლი ემატება.

ამასთან, კანონპროექტის მიხედვით, რელიგიური შენობების ან სხვა რელიგიური სიწმინდეების წაბილწვა, მასზე ნებისმერი წარწერის გაკეთება ან დაზიანება - გამოიწვევს 500 ლარით დაჯარიმებას, ხოლო განმეორებით შემთხვევაში 1000 ლარის ოდენობით.

ინიციატორი კანონპროექტის მიზნად სახელმწიფოს მხირდან ქვეყანაში არსებული რელიგიების და მათი მიმდევრების შეურაცხყოფისგან დაცვას ასახელებს.

კანონპროექტს დღეს ბიუროს სხდომამ მსვლელობა მისცა.

კანონპროექტის ავტორი ზვიად ტომარაძეა, დემოგრაფიული განვითარების ფონდის დირექტორი, ხოლო ინიციატორი სოსო ჯაჭვლიანი.

კანონპროექტის განმარტებით ბარათში აღნიშულია, რომ „რამდენიმე წელია „სიტყვისა და გამოხატვის თავისუფლების“ საბაბით პერიოდულად ხდება ფარული და პირდაპირი შეურაცხყოფა, როგორც საქართველოს მართლმადიდებელი ეკლესიის ასევე ქვეყანაში არსებული სხვადასხვა ტრადიციული რელიგიის მიმართ.

„გაურკვეველი ჯგუფები და პიროვნებები მიზანმიმართულად ახორციელებენ რელიგიური სიწმინდეების რელიგიური ნაგებობების, რელიგიური სიმბოლოების შეურაცხყოფას. ინტერნეტსივრცეში  შექმნილია რამდენიმე ათეული გვერდი, რომელთა პირდაპირი დანიშნულებაა ღვთის გმობა, საქართველოს მართლმადიდებელი ეკლესიის, მისი წინამძღოლისა და სასულიერო იერარქიის შეურაცხყოფა. სახეზეა პიროვნების ღირსებისა და პატივის დამცირება, მორწმუნეთა რელიგიური გრძნობების საჯარო შეურაცხყოფა. 2012 წლის 9 სექტემბერს გაურკვეველმა პირებმა ქაშუეთის ეკლესიის გალავანზე დახატეს წმინდა ნინოს კარიკატურა წარწერით: „თავისუფლება PUSSY RIOT”;

ჯაჭვლიანი მიიჩნევს, რომ სახელმწიფო ვალდებულია, დაიცვას მოქალაქეთა რელიგიური გრძნობები, რათა თავიდან იყოს აცილებული შესაძლო დაპირისპირება რელიგიურ ნიადაგზე.

 

საზოგადოებრივი ორგანიზაციები პარლამენტს მოუწოდებენ არ მიიღოს კანონი მორწმუნეთა რელიგიური გრძნობების შესახებ

კომენტარები

ამავე რუბრიკაში

18 ივლისი
18 ივლისი

რა შანსები აქვს „რუსთავი2-ს“ გადაწყვეტილ ...

ტელეკომპანია რუსთავი 2-ის ყოფილი გენერალური დირექტორი, ნიკა გვარამია ამბობს, რომ  ადამიანის უფლებათა ევროპის სასამა ...
18 ივლისი
18 ივლისი

სტრასბურგის გადაწყვეტილებით, კორტების სპ ...

ადამიანის უფლებათა ევროპულმა სასამართლომ საქმეზე - ვაზაგაშვილი და შანავა საქართველოს წინააღმდეგ გადაწყვეტილება გამოაქვეყ ...
18 ივლისი
18 ივლისი

დავით დვალის და ჯარჯი აქიმიძის განცხადებ ...

უცვლელად გთავაზობთ დავით დვალის და ჯარჯი აქიმიძის დღევანდელ განცხადებას სტრასბურგის გადაწყვეტილებასთან დაკავშირებით ...
^