საქართველოსა და უკრაინის ვიზალიბერალიზაციის მე-4 პროგრესანგარიშის გამოქვეყნება შესაძლოა გადაიდოს.
როგორც „რადიო თავისუფლების" ბრიუსელის კორესპონდენტი Twitter-ზე წერს, ანგარიშის გამოქვეყნება ევროკომისიის სამიტამდე არ მოხდება.
საქართველოს ოფიციალური უწყებები ამის შესახებ ოფიციალურ განცხადებას ამ დრომდე არ აკეთებენ.
აქამდე არსებული ოფიციალური ინფორმაციით, საქართველოს მიერ სავიზო ლიბერალიზაციის სამოქმედო გეგმის შესრულებასთან დაკავშირებით ევროკომისიის რიგით მე-4 ანგარიში ხვალ, 15 დეკემბერს უნდა გამოქვეყნდეს, რის შედეგადაც სავიზო რეჟიმის ლიბერალიზაციის ტექნიკური პროცესი დასრულდება.
Publication of visa lib reports for #Ukraine and #Georgia delayed till after #EUCO summit. Were supposed to come out tomorrow
— Rikard Jozwiak (@RikardJozwiak) December 14, 2015
