საპარლამენტო უმცირესობის ლიდერი დავით ბაქრაძე პრემიერ-მინისტრის 3 წლის ანგარიშს აფასებს. 

„გაჩერებული ეკონომიკა, გაძვირებული ცხოვრება, გაუფასურებული ლარი, შეუსრულებელი დაპირებები, მომატებული კრიმინალი - ესაა ის რეალობა, რომელიც ამ მთავრობის მმართველობის პირობებში შეიქმნა და რომელსაც თითოეული მოქალაქე გრძნობს. სწორედ ამიტომ ჩვენი ამოცანაა არა ის, რომ ვისმინოთ სატელევიზო მიმართვები, არამედ რეალურად ვიზრუნოთ მოსახლეობის პრობლემების მოგვარებაზე და მშვიდობიანი გზით გავისტუმროთ ხელისუფლება, რომელმაც 3 წლის განმავლობაში მოსახლეობის პრობლემების გადაჭერელად და წინასაარჩევნო დაპირებების შესასრულებლად ვერაფერი ვერ გააკეთა“, - თქვა დავით ბაქრაძემ. 

პრემიერ-მინისტრმა, ირაკლი ღარიბაშვილმა დღეს თბილისის საკრებულოს შენობაში მთავრობის მუშაობის 3 წლის ანგარიში წარადგინა.