„მე ვარ ამ შენობის მფლობელი კომპანიის დირექტორი და ნამდვილად მოვითხოვე, რომ დაცვა გაძლიერებულიყო“, - ტელეკომპანია „მაესტროს“ პარტნიორთა კრების მიერ გენერალური დირექტორის თანამდებობიდან გათავისუფლებული ბაია გადაბაძე დაცვის გაძლიერების მიზეზს განმარტავს.
მისი თქმით, თუ ტელეკომპანიის ახალ დირექტორს ენდომება, „მაესტროს“ შენობიდან მართოს ტელევიზია, ეს არ გამოვა.
„გაძლიერებულ დაცვას რაც შეეხება, ახალი ზომებია მიღებული. სურვილი ვისაც აქვს და ეს სურვილი თუ არის არადესტრუქციული, ყველას ექნება შემოსვლის საშუალება. შემოჭრის საშუალებას კი ნამდვილად არავის მივცემ, რადგან ეს არის კერძო საკუთრება. ამ შენობაში შემოვა ადამიანი მხოლოდ ჩემი ნებართვით“, - განაცხადა გადაბაძემ.
მისივე თქმით, მისი მიზანი არ არის, რომ გაჩეჩილაძეები არ შეუშვას ტელევიზიაში.
„ეს პრობლემა არ არის. შემოვიდნენ და ვისაუბროთ. მე კონფლიქტს არავისთან არ ვაპირებ“, - განაცხადა ბაია გადაბაძემ.