თურქეთმა სირიელი ლტოლვილებისთვის, რომლებიც ქვეყანაში შეღწევას ცდილობენ, სირიაში ბანაკების აშენება დაიწყო.
ამით თურქეთის ხელისუფლება ცდილობს, შეაჩეროს ლტოლვილების ნაკადი, რომელიც ქვეყნის საზღვრის გადაკვეთას ცდილობენ. წინა კვირას სირიის სამთავრობო არმიის მიერ სირიის ქალაქ ალეპოზე თავდასხმის შედეგად, დაახლოებით, 35 ათასი ლტოლვილი ცდილობდა თურქეთში შეღწევას.
ევროკავშირის მოწოდებების მიუხედავად, თურქეთმა საზღვარი ჩაკეტა. დაახლოებით, 2,5 მლნ-მა სირიელმა ლტოლვილმა თურქეთს შეაფარა თავი. მათგან დიდი ნაწილი ევროპაში გადავიდა, სადაც ლტოლვილის სტატუსის მიღებას იმედოვნებენ.
