„ცილისწამება რომ სისხლის სამართლებრივად დასჯადი გახდეს, ეს მედიას შეზღუდავს და ამის მომხრე არ ვარ", - განაცხადა საქართველოს პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა.
მისი განმარტებით, ცილისწამება სისხლის სამართლებრივად დასჯადი არ უნდა გახდეს და ამ მუხლით დასჯადობა კოდექსიდან სწორედ მედიის თავისუფლების გამო ამოიღეს.
„მსოფლიოში ცილისწამება რომ დასჯადი იყოს, ეს გარკვეულ პრობლემას შეუქმნიდა სიტყვისა და გამოხატვის თავისუფლებას. მაშინ, როცა ეს ცვლილება განვახორციელეთ და ამოვიღეთ ეს მუხლი, პირველ რიგში გავითვალისწინეთ მედიის თავისუფლება", - განაცხადა სესიაშვილმა. მისივე თქმით, უნდა არსებობდეს ქმედითი ნაბიჯები იმისათვის, რომ ნებისმიერი ადამიანი იყოს დაცული, რათა მისი იმიჯი არ შეილახოს.
თბილისის საკრებულოს იურიდიულ საკითხთა კომისიის თავმჯდომარემ, თედო კობახიძემ ტელეკომპანია „იბერიის“ ეთერით განაცხადა, რომ ცილისწამების მუხლი „სისხლის სამართლის საპროცესო კოდექსში" დაბრუნდეს.
