„შემიძლია, არგუმენტები გითხრათ, რატომ არის მიუღებელი ბისექსუალიზმის თემის წამოწევა საზოგადოებასა და ბავშვებში. იმიტომ რომ ეს [ბისექსუალობა] ფსიქოგენური ანომალიაცაა, რაც უფრო მეტი ლაპარაკი იქნება ამის გარშემო, უფრო მეტი შანსია, რომ ვუბიძგოთ ამ ანომალიისკენ ახალგაზრდობას“, - განაცხადა განათლებისა და მეცნიერების მინისტრის მრჩეველმა, რამაზ საყვარელიძემ პარლამენტის განათლებისა და მეცნიერების კომიტეტის სხდომაზე.
მისი თქმით, დასავლეთს ბევრი რამე ეშლება და მისი გაყოლა სახიფათოა. „დასავლეთს ეშლება და მას ბევრი რამე ეშლება, ამას ადასტურებს მიგრაციული ნაკადი, რის გამოც მიგრაციის პოლიტიკას გადახედავენ. მოვა დრო და იმ ჰომოფობიური პოზიციის კრიტიკას გადახედავენ, რომელიც ჰქონდათ. დასავლეთზე გაყოლა ამიტომ სახიფათოა ყველა ქვეყნისთვის, თუ ქვეყანამ თავისი თავისთვის არ შეიმუშავა, რა პრინციპებზე დგას ის და რა პრინციპებით გააგრძელებს“, - განაცხადა საყვარელიძემ.
პარლამენტში განათლებისა და მეცნიერების კომიტეტის სხდომაზე საზოგადოებრივი მეცნიერებების სასწავლო გეგმის რევიზიის შედეგებს (დაწყებითი საფეხური) განიხილავენ.
