Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

MDF: ლორთქიფანიძის განცხადებები ხელყოფს ჟურნალისტის პროფესიულ საქმიანობას

28 მარტი, 2016 17:34

„მედიის განვითარების ფონდი" აცხადებს, რომ ჟურნალისტ ინგა გრიგოლიასა და მისი შვილის მიმართ დეპუტატ დავით ლორთქიფანიძის  განცხადებებზე პასუხისმგებლობა პოლიტიკურმა გუნდმა უნდა აიღოს, რომლის სახელითაც იგი საზოგადოებას მიმართავს.

MDF მიიჩნევს, რომ ლორთქიფანიძის საჯარო განცხადებები ხელყოფს როგორც ცალკეული პიროვნების, ისე მთელი საზოგადოების ფუნდამენტურ უფლებებს და ჟურნალისტის პროფესიულ საქმიანობას.

ორგანიზაციის განცხადებას „ლიბერალი" უცვლელად გთავაზობთ:

„25 მარტს საპარლამენტო უმრავლესობის ფრაქცია „ქართული ოცნების” წევრმა დავით ლორთქიფანიძემ ტელეკომპანია „პირველის” ეთერში, გადაცემაში „ინგა გრიგოლიას დღის ამბები” წამყვანის პირად ცხოვრებასთან დაკავშირებით სრულიად მიუღებელი და გაუმართლებელი კომენტარი გააკეთა.

დეპუტატის რეპლიკები უკავშირდებოდა ინგა გრიგოლიას გამოხმაურებას 2016 წლის 14 მარტს ინტერნეტში პირადი ცხოვრების ამსახველი მორიგი კადრების გავრცელებასთან დაკავშირებით, რასაც გარკვეულ პოლიტიკოსთა და ჟურნალისტთა მიმართ 31 მარტამდე თანამდებობის დატოვების მოთხოვნა და წინააღმდეგ შემთხვევაში კადრებით დაშანტაჟების მუქარა ახლდა. მუქარის ობიექტთა შორის მოხვდა ჟურნალისტი ინგა გრიგოლია, რომელმაც ამ თემაზე საჯაროდ თავად ისაუბრა და განაცხადა, რომ მას შანტაჟისა და მუქარის არ ეშინოდა და „გაჩუმებას" არ აპირებდა.

28 მარტს გაზეთ „ალიაში” გამოქვეყნებულ ინტერვიუში კი დეპუტატი დავით ლორთქიფანიძე არა მხოლოდ ჟურნალისტის პირადი ცხოვრებით, არამედ ინგა გრიგოლიას შვილის პოლიტიკური შეხედულებებით („ვისი გუნდის აქტიური მხარდამჭერია") და სამსახურებრივი მდგომარეობითაც („რომელ უწყებაში მუშაობს”) დაინტერესდა.

პარლამენტის წევრის დავით ლორთქიფანიძის საჯარო განცხადება ჟურნალისტის პირად ცხოვრებასთან მიმართებაში და შემდგომ ამ თემის უკვე მისი შვილის მისამართით განვრცობა, არის არა მხოლოდ ადამიანური ეთიკის ფეხქვეშ გათელვა, არამედ უდიდესი პოლიტიკური საფრთხის შემცველი ქმედება, რომელიც ხელყოფს როგორც ცალკეული პიროვნების, ისე მთელი საზოგადოების ფუნდამენტურ უფლებებს და ჟურნალისტის პროფესიულ საქმიანობას.

მიგვაჩნია, რომ ამაზე პასუხისმგებლობა უნდა აიღოს იმ პოლიტიკურმა გუნდმა, რომლსაც ის წარმოდგენს და ვისი სახელითაც მიმართავს საზოგადოებას" - ნათქვამია MDF-ის განცხადებაში. 

კომენტარები

ამავე რუბრიკაში

29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
29 ნოემბერი
29 ნოემბერი

გრიგორი კარასინი თბილისში რუსული ცენტრის ...

თბილისში რუსული ენისა და კულტურის ცენტრი დეკემბერის შუა რიცხვებში გაიხსნება, რაც რუსეთ-საქართველოს შორის ურთიერთობების გ ...
29 ნოემბერი
29 ნოემბერი

არც უხერხულობას და არც დისკომფორტს არ გა ...

იუსტიციის მინისტრმა თეა წულუკიანმა საჯარო ბიბლიოთეკა შეძახილების ფონზე, პოლიციის დახმარებით დატოვა. როგორც მან ჟურნალისტ ...
^