„ვნახოთ პოლიტიკური სიტუაცია როგორ განვითარდება. არავისთან ალიანსს არ გამოვრიცხავთ“, - „მრეწველების“ ლიდერი გოგი თოფაძე საპარლამენტო არჩევნებისთვის შესაძლო გაერთიანებებზე საუბრობს.
მისივე თქმით, ამ ეტაპზე პარტია, ჯერჯერობით, არჩევნებში დამოუკიდებლად მონაწილეობას გეგმავს.
„დღესდღეობით ვცდილობთ, არჩევნებზე მარტო გავიდეთ, თუმცა „პატრიოტთა ალიანსს“ ძალიან დიდ პატივს ვცემთ. ძალიან ობიექტური ტელევიზია შექმნეს განსხვავებით სხვა ტელეარხებისგან. პროქართული პოზიცია უჭირავთ. პატივს ვცემთ თარხან-მოურავსაც, ქალბატონ ირმასაც, არ გამოვრიცხავ, მაგრამ ჯერ ვნახოთ, როგორ განვითარდება მოვლენები. ვფიქრობთ, ჩვენ გვაქვს ბევრთან იმდენი უპირატესობა, რომ ყველა საარჩევნო უბანში ჩვენი წარმომადგენელი გვყავს. ყველა უბანზე გვყავს დამკვირვებლები - საკმაოდ გამოცდილი ხალხი გვყავს და გვაქვს იმედი, რომ არჩევნებს არავინ გააყალბებს“, - განაცხადა გოგი თოფაძემ.
