საქართველოს სტატისტიკის ეროვნულმა სამსახურმა პრეზენტაციაზე მოსახლეობის საყოველთაო აღწერის დაზუსტებული შედეგები წარმოადგინა. აღწერის მონაცემებით, საქართველოს მოსახლეობა 3 713 804 ადამიანს შეადგენს. მოსახლეობის 52,3 %-ს ქალები არიან, 47,7%-ს მამაკაცები. მოსახლეობის 57% (2 122 623) ქალაქებში ცხოვრობს, 42.8% (1 591 181) სოფლებში. 

2002 წლის აღწერის შედეგთან შედარებით ქვეყნის მოსახლეობა 15%-ით (657 731) ნაკლებია. 2002 წელს საქართველოს მოსახლეობა 4 371 535 ადამიანი იყო. საქსტატის ცნობით, ძირითადად სოფლის მოსახლეობა შემცირდა (23.7%-ით). ამავე პერიოდში ქალაქის მოსახლეობა 7.1%-ით არის შემცირებული. როგორც საქსტატში განმარტავენ, შემცირების მთავარი მიზეზები სოფლიდან ქალაქში, ასევე რეგიონებიდან უცხოეთში მიგრაციაა.

საქართველოს მოსახლეობის საყოველთაო აღწერა 2014 წლის 5 ნოემბრიდან 19 ნოემბრის ჩათვლით ჩატარდა. აღწერამ მოიცვა ქვეყნის მთელი ტერიტორია, გარდა ოკუპირებული ტერიტორიებისა.