Heritage Foundation-ის 2016 წლის ანგარიშის თანახმად, მსოფლიო ქვეყნებს შორის საქართველოს ეკონომიკური თავისუფლების მაჩვენებელი 72,6-ია, რაც იმას ნიშნავს, რომ მაჩვენებელი გასულ წელთან შედარებით 0,6 ქულით შემცირდა.
გლობალური მასშტაბით, საქართველო სიაში 23-ე ადგილს იკავებს, ევროპის მასშტაბით კი - 12-ს და ეკონომიკური თავისუფლების თვალსაზრისით მეტწილად თავისუფალის სტატუსი აქვს.
„მიუხედავად გლობალური და რეგიონული გამოწვევებისა, საქართველოს ეკონომიკამ მნიშვნელოვანი მდგრადობა გამოავლინა. კორუფციის აღმოფხვრის, ფისკალური სტაბილურობის აღდგენის მცდელობამ შედეგი გამოიღო. ფისკალური კონსოლიდაციის ორმა წელმა სამთავრობო ხარჯები გააკონტროლა და მაკროეკონომიკური სტაბილურობა უზრუნველყო. უფრო თავისუფალი ეკონომიკის ძიებამ რასაც პოლიტიკურმა სტაბილურობამაც შეუწყო ხელი, მისი სამეწარმეო გარემო რეგიონში ერთ-ერთ საკეთესოდ აქცია. გაიზარდა ფართო მასშტაბის პრივატიზაცია და ანტიკორუფციულმა ზომებმა შესაბამისი შედეგი გამოიღო. კრიტიკულად მნიშვნელოვანი რჩება უფრო ღრმა ინსტიტუციური რეფორმების საჭიროება სამართლებრივი დამოუკიდებლობისა და ეფექიანობის უზრუნველსაყოფად" - ვკითხულობთ ანგარიშში.