„ერთანი ნაციონალური მოძრაობის" წევრმა, დეპუტატმა თინათინ ბოკუჩავამ პარლამენტის ვიცე-სპიკერ მანანა კობახიძეს მამაკაცი პოლიტიკოსების მიერ ქალი პოლიტიკოსების მიმართ შეურაცხმყოფელი კომენტარების შესახებ პარლამენტში სიტყვის გამოსვლისას მიმართა.
„არ შემიძლია არ აღვნიშნო, რამდენად მიუღებელია ჩემთვის წამოძახილები და კომენტარები, რომლებიც ამ დარბაზში ვიხილეთ კიდევ ერთელ, სამწუხაროდ. ქალბატონო მანანა, მინდა მოგმართოთ თქვენ, არამხოლოდ როგორც ვიცე-სპიკერს, არამედ ასევე როგორც გენდერული თანასწორობის საბჭოს თავმჯდომარეს რომ, ძალიან გთხოვთ, ნუ გავხდით ამას უკვე მიღებულ პრაქტიკად. როგორც წესი ეს წამოძახილები და შეურაცხმყოფელი კომენტარები არის მამაკაცების მხრიდან ქალი პარლამენტარების მიმართ" - თქვა ბოკუჩავამ.
