საერთაშორისო რესპუბლიკურმა ინსტიტუტმა (IRI) საზოგადოებრივი აზრის კვლევის შედეგები გამოაქვეყნა.
შეკითხვაზე, როგორი უნდა იყოს საქართველოს საგარეო პოლიტიკა გამოკითხულთა 52%-მა უპასუხა, რომ კურსი პროდასავლური უნდა იყოს, ოღონდ ქვეყანამ ურთიერთობა უნდა შეინარჩუნოს რუსეთთან.
22%-ს მიაჩნია, რომ საქართველოს საგარეო პოლიტიკა მხოლოდ პროდასავლური უნდა იყოს.
11%-ის აზრით, უნდ აყოს პრორუსული, ოღონდ დარჩეს ევროკავშირის მოკავშირედ. 4%-ს მიაჩნია, რომ მკაცრად პრორუსული უნდა იყოს საქართველოს საგარეო პოლიტიკა.
16 მარტის მონაცემებით, გამოკითხულთა 55% უჭერს მხარს ნატოში გაწევრიანებას, 24% ნაწილობრივ უჭერს მხარს.
მარტის მონაცემებით, გამოკითხულთა 63% მხარს უჭერს, 22% ნაწილობრივ უჭერს მხარს ევროკავშირში გაწევრიანებას.
გამოკითხულთა 70 %-ის თანახმად, ქვეყანა არასწორი მიმართულებით ვითარდება, რაც არის 15 %-იანი გაუარესება გასულ წელთან შედარებით. ამასთან, 65% აცხადებს, რომ ბოლო ორი თვის განმავლობაში მათი ეკონომიკური მდგომარეობა გაუარესდა. ლარის გაუფასურება, საყოფაცხოვრებო ხარჯის ზრდა და მაღალი გადასახადები დასახელდა თითოეული ოჯახის მთავარ პრობლემად