ლგბტ ორგანიზაცია "თემიდას" აღმასრულებელი დირექტორი კობა ბიწაძე სოციალურ ქსელში წერს, რომ მას ჰომოფობიურ ნიადაგზე სიტყვიერი შეურაცხყოფა მიაყენეს. როგორც ბიწაზე "ლიბერალთან" საუბარში ამბობს, რუსთაველის გამზირზე ორ მეგობართან ერთად სეირნობდა, როდესაც უცხო პირმა გააჩერა და გინება დაუწყო.
"რუსთაველის გამზირზე ვსეირნობდით მე და ჩემი ორი მეგობარი, უცხო პირმა გაგვაჩერა და გინება დაგვიწყო. მიზეზი ის იყო, რომ ჩემი ერთი მეგობარი ის ჟურნალისტი ეგონა, რომელსაც 17 მაისს თამაზ მეჭიაურმა შეურაცხყოფა მიაყენა. აშკარა იყო ჰომოფობიური მოტივი, რადგან "პიდარასტებს" გვეძახდა და გვაგინებდა, არ გვაძლევდა გზის გაგრძელების საშუალებას, "ელგებეტეებს" არ გაგახარებთო. ერთ-ერთ მეგობარს შეაფურთხა კიდეც. მას შემდეგ, რაც პატრული გამოვიძახეთ, გაჩერდა და უარყოფდა ჩვენს ბრალდებებს", - ამბობს კობა ბიწაძე
როგორც "თემიდას" აღმასრულებელი დირექტორი ამბობს, ადგლზე პატრულის თანამშრომლები ამ წუთებშიც მობილიზებული არიან.
ფოტო: კობა ბიწაძე
