„დღეს წინასაგამოძიებო მოქმედებების დასრულების შემდეგ შსს-მ გამოძიება 125-ე მუხლით დაიწყო, რაც ცემას გულისხმობს“, - როგორც „ლიბერალს“ შსს-ში უთხრეს, დაკითხულია ინციდენტში მონაწილე ორივე მხარე.
როგორც „კივის“ ადმინისტრაციაში „ლიბერალს“ უთხრეს, გუშინ საღამოს ვეგან-კაფეში „ქართული ძალა“ იგივე „ბერგმანის დაჯგუფება“ შეიჭრა და მათი ერთ-ერთი ლიდერი „ბერგმანაც“ მათთან ერთად იყო.
„29 მაისს საღამოს 08:30 საათზე,ვეგან-კაფე „კივის“ ჰქონდა ივენთი (ანიმაციური ფილმის ჩვენება), რა დროსაც, შემოიჭრნენ ქართული ძალა (ბერგმანის) დაჯგუფება, დაახლოებით 15-20 ადამიანი პროვოკაციისა და დარბევის მიზნით. ხელში ეჭირათ მწვადები შამფურზე ასხმული და კისერზე ჰქონდათ შემოხვეული სოსისების ასხმები. იყიდეს ლუდი და მომხმარებლებს, ვინც მიირთმევდა საჭმელს ჩაუყარეს მწვადები და სოსისები თეფშეფში. ისროდნენ მწვადებს და ამ ყველაფერს იღებდნენ. ხმაურზე გამოვიდნენ მეზობლები და დაიწყეს თავდასხმა „კივის“ მომუშავე პერსონალზე და სტუმრებზე. ერთ-ერთი მეზობელი გამოვარდა დანით და ემუქრებოდათ სიკვდილით. პოლიცია გამოიძახეს და რადგან საქმეში გარკვეულები არ იყვნენ უწოდეს ინიციატორები დაზარალებულებს“, - აცხადებენ ვეგან-კაფეს ადმინისტრაციაში.
