ეროვნული უშიშროების საბჭოს მდივნის, ირინა იმერლიშვილის განცხადებით, საბჭომ პრეზიდენტს რეკომენდაცია მისცა, ცენტრალური აფრიკის რესპუბლიკაში საქართველოს კონტინგენტის ოცეულით გაზრდის საკითხი პარლამენტს წარუდგინოს.
მისი თქმით, დღეს საქართველოს ცენტრალურ აფრიკაში ხუთი სამხედრო ჰყავს და სხდომაზე მათი ოცეულით გაზრდაზე ისაუბრეს.
იმერლიშვილი იმედოვნებს, რომ პარლამენტი რეკომენდაციას გაიზიარებს.