პრემიერ-მინისტრმა, გიორგი კვირიკაშვილმა განათლების და მეცნიერების მინისტრი თამარ სანიკიძე თანამდებობიდან გაათავისუფლა.
პრემიერმა თამარ სანიკიძეს მადლობა გადაუხადა. როგორც პრემიერი ამბობს, სანიკიძემ განათლების სისტემაში ბევრი მიმართულებით გადადგა რეფორმატორული ნაბიჯები.
„სანიკიძე ჩვენი გუნდიდან შორს არ მიდის. უახლოეს პერიოდში მის ახალ მანდატზე ვისაუბრებთ, რომელიც ძალიან მნიშვნელოვანი იქნება", - ამბობს პრემიერ-მინისტრი.
პრემიერ-მინისტრმა, გიორგი კვირიკაშვილმა განათლების ახალ მინისტრად ალექსანდრე ჯეჯელავა დანიშნა.
„მინდა წარმოგიდგინოთ ალექსანდრე ჯეჯელავა, რომელიც გახლავთ ძალიან გამოცდილი ადამიანი 20 წელზე მეტი გამოცდილებით მართვის სფეროში. მან დაამთავრა თბილისი სახელმწიფო უნივერსიტეტი, შემდეგ უკვე ESM-ის ბიზნეს სკოლა. მას აქვს ძალიან დიდი გამოცდილება როგორც საინფორმაციო ტექნოლოგიების სფეროში, ასევე ინოვაციისა და, რაც ყველაზე მნიშვნელოვანია, განათლების სფეროში", - თქვა კვირიკაშვილმა.
