არხის ხელმძღვანელობის განცხადებით ტელეკომპანია „იმედის" საინფორმაციო სამსახურის ხელმძღვანელი ჟურნალისტი ნანა ლეჟავა გახდება. ამის შესახებ საინფორმაციო გამოშვების წამყვანმა ეკა სიჭინავამ პირდაპირ ეთერში განაცხადა.
ყოფილი ხელმძღვანელი მაია თაბაგარი გენერალური დირექტორის კონსულტანტის პოზიციაზე გადაინაცვლებს.
„ეს ეს ფაქტი დღეს გახდა ცნობილი, რაც საინფორმაციო სამსახურის თანამშრომლებისთვის მოულოდნელი იყო, შესაბამისად, გაჩნდა დამატებითი კითხვები, რაზეც იმედია, საინფორმაციო სამსახურის თანამშრომლები პასუხს მივიღებთ", - თქვა საინფორმაციო გამოშვების წამყვანმა ეკა სიჭინავამ.
საკადრო ცვლილების შესახებ „იმედის" საინფორმაციო გამოშვების ჟურნალისტების ნაწილმა განცხადება გაავრცელა:
როგორც რამდენიმე დღის წინ გახდა ცნობილი, ტელეკომპანია „იმედის“ სამეურვეო საბჭოს თავმჯდომარე ირაკლი რუხაძე გახდა. ბიზნესმენი ირაკლი რუხაძე ბადრი პატარკაციშვილის ოჯახის მრჩეველია.