ჩრდილო საფრანგეთის ნორმანდიის ოლქში ეკლესიაში მომხდარი თავდასხმისას მღვდელი მოკლეს. The Telegraph-ის ცნობით, თავდამსხმელებმა მას ყელი გამოჭრეს.

ეკლესიაში ორი შეიარაღებული მამაკაცი შეიჭრა და მღვდელი, ორი მონაზონი და მრევლის რამდენიმე წევრი მძევლად აიყვანა. 

The Associated Press-ის ინფორმაციით, პოლიციამ ორივე თავდამსხმელი მოკლა. 

მძევლების აყვანის მოტივი ამ დრომდე უცნობია, თუმცა, თვითმხილველების თქმით, თავდამსხმელმა სიკვდილის წინ „დაეში" დაიძახა. 

„დაეში" აკრონიმია, რომელიც არაბულად „ისლამური სახელმწიფოს" ინიციალებით მიიღება.