თურქეთის ხელისუფლებამ გადატრიალების მცდელობის შემდგომ სადამსჯელო ღონისძიებების ფარგლებში 131 მედიაორგანიზაცია დახურა - ამის შესახებ ინფორმაციას Reuters ავრცელებს.
ამავე რონისძიებების ფარგლებში, მთავრობამ 1 700 სამხედრო მოსამსახურე გაათავისუფლა. 15-16 ივლისის შემდეგ ათობით ათასი პოლიციელის, მოსამართლისა და მასწავლებლის მიმართ გამოძიება დაიწყო.
თურქეთის მთავრობა გადატრიალების მცდელობაში ფეთჰულაჰ გიულენს ადანაშაულებს.
გიულენი, რომელიც აშშ-ში, პენსილვანიის შტატში ცხოვრობს, ერდოღანის ბრალდებებს უარყოფს.
გადატრიალების მცდელობის დროს თურქეთში 246 ადამიანი დაიღუპა და 2000-ზე მეტი დაშავდა.
