NDI-ს საზოგადოებრივი აზრის კვლევის შედეგების თანახმად, უცნობია, რომელ პარტიას მისცემდა ხმას ამომრჩეველთა 57% ხვალ რომ საპარლამენტო არჩევნები იყოს.
შესაბამის კითხვას გამოკითხულთა 38%-მა უპასუხა, რომ არ იცის, 14%-მა პასუხის გაცემაზე უარი განაცხადა, ხოლო 5%-მა განაცხადა, რომ ხმას არც ერთ პარტიას არ მისცემდა.
სოციოლოგიური კვლევა NDI-ს დაკვეთის „კავკასიის კვლევითი რესურსების ცენტრმა" ჩაატარა. კვლევის საველე სამუშაოები 8 ივნისიდან 6 ივლისამდე პერიოდს მოიცავს. კვლევის ფარგლებში, ორგანიზაციამ 4 113 ადამიანი გამოკითხა.
