ჯანდაცვის მინისტრ დავით სერგეენკოს თქმით, სამედიცინო ჩანაწერების სისტემა ელექტრონულ ფორმატზე გადავა, პროცესის პირველი ეტაპი კი ელექტრონული რეცეპტის სისტემის დანერგვაა.
როგორც მინისტრმა განმარტა, რეცეპტი ელექტრონულად გამოიწერება და მასზე წვდომა ნებისმიერ აფთიაქს ექნება, რაც იმას ნიშნავს, რომ პაციენტებს რეცეპტის ხელით ტარება აღარ მოუწევთ. მისი თქმით, სისტემა დოზირებასა და მედიკამენტის შერჩევაში შეცდომას გამორიცხავს რადგან ხარისხის კონტროლის ძლიერი მექანიზმი დაინერგება.
„აფთიაქარს ეტყვის სახელს, გვარს, პირად ნომერს და მონაცემებზე სრული წვდომა ექნებათ" - თქვა მინისტრმა.
მისი განმარტებით, სისტემის გამოცდა რამდენიმე დღის წინ დაიწყო.
ამ ეტაპზე სისტემა ნებაყოფლობითია, თუმცა, მინისტრის თქმით, სავარაუდოდ ,შემოდგომაზე, იგი ყველა აფთიაქისთვის სავალდებულო გახდება.