„ნაციონალური მოძრაობა“ საქართველოს ცენტრალურ საარჩევნო კომისიას მოუწოდებს, ვალერი კვარაცხელიას პარტია „ნეიტრალური საქართველო“, რომელიც ამჟამად „კვარაცხელია-სოციალისტების“ სახელით მონაწილეობს არჩევნებში, რეგისტრაციიდან მოხსნან.
როგორც ირმა ნადირაშვილმა ბრიფინგზე განაცხადა, მოკვლევის შედეგად დაადგინეს, რომ პარტიას ისევე როგორც „ცენტრისტებს“ არ ჰყავთ თავმჯდომარე.
ნადირაშვილმა მიმართა თამარ ჟვანიას, მოხსნას რეგისტრაციიდან აღნიშნული პარტია.
„ლიბერალი" ცესკოში ანა მიქელაძეს დაუკავშირდა. მისი თქმით, ამ საკითხზე ცესკოში განცხადებას დღეს 2 საათზე გააკეთებენ.
