შრომის, ჯანმრთელობისა და სოციალური დაცვის სამინისტროს სამედიცინო საქმიანობის სახელმწიფო რეგულირების სააგენტოს ფარმაცევტული საქმიანობის დეპარტამენტის უფროსმა, დავით მაჭარაშვილმა ფსიქოტროპულ აფთიაქებში ჩატარებული მონიტორინგის შედეგებზე ისაუბრა.
5 აგვისტოდან დღემდე შემოწმებების შედეგად საქართველოს მასშტაბით გამოვლინდა 30 დარღვევა.
მისი თქმით, დაფიქსირდა ფსიქოტროპული მედიკამენტების ურეცეპტოდ გაცემის 13 ფაქტი; აღურიცხავი ფსიქოტროპული მედიკამენტების არსებობის 5 ფაქტი; მეორე ჯგუფის მედიკამენტების ურეცეპტოდ გაცემის 11 ფაქტი და აფთიაქის მხრიდან უნებართვო საქმიანობის - 1 ფაქტი.
დადგა 13 ფარმაცევტის პროფესიული პასუხისმგებლობის საკითხი. ხოლო 17-მა ავტორიზებულმა აფთიაქმა საქმიანობა შეაჩერა.