გონიოში სამხედრო წვრთნებზე და დაკარგული სამხედროების ახლობლების თქმით, თუ უახლოესს დღეებში დაკარგულებს არ იპოვიან გზას გადაკეტავენ.
დაკარგული იაგო შარაძის ახლობლებმა რუსთავი 2-თან საუბარში განაცხადეს, რომ უბედური შემთხვევა ინსტრუქტორების დაუდევრობით მოხდა და შტორმის დროს 30 მეტრის სიღრმეზე სამხედროები თოკის გარეშე არ უნდა ჩაეშვათ.
16 აგვისტოს სპეციალური ოპერაციების ძალების ორი სამხედრო მოსამსახურე - კაპრალი იაგო შარაძე და I კლასის რიგითი გიორგი ნანეტაშვილი, რომლებიც მებრძოლ-მყვინთავთა კურსს გადიოდნენ, ზღვაში სიღრმითი ჩაყვინთვის შემდეგ ვერ შეძლეს ზღვის ზედაპირზე ამოსვლა.
შავ ზღვაში დაკარგული სამხედროების ძებნაში თურქული მხარეც ჩაერთო და თურქეთიდან ერთი სამაშველო კატარღა უკვე შემოსულია. დღეს კიდევ ერთი ხომალდი შემოვა თურქეთიდან საქართველოს ტერიტორიაზე.
