პოლიციასთან დაპირისპირების შემდეგ აქციის მონაწილეებმა პროტესტი მსვლელობით განაგრძეს.
„ძირს ძალადობრივი რეჟიმი", „არა ძალადობრივ რეჟიმს" - სკანდირებენ აქციის მონაწილეები.
ისინი ძალადობრივი ნარკოპოლიტიკის წინააღმდეგ კიდევ ერთ აქციას აანონსებენ, რომელიც, მათი თქმით, 17 სექტემბერს გაიმართება.
ვიდეო ► სამტრედიაში პოლიციასა და აქციის მონაწილეებს შორის დაპირისპირება მოხდა
სამტრედიაში, პოლიციის შენობის წინ მიმდინარე აქციაზე მოქალაქეებსა და სამართალდამცავებს შორის დაპირისპირება მოხდა.
„ძირს პოლიციური რეჟიმი" - სკანდირებდნენ მოქალაქეები, რასაც პოლიციასთან შეხლა-შემოხლა მოჰყვა.
„ნუ მკლავ, მეც ადამიანი ვარ", „დღეს გაჩუმება ხვალ სიკვდილს ნიშნავს" - ამ მოწოდებით „თეთრი ხმაურის მოძრაობის" მიერ ორგანიზებულ აქციაზე მოქალაქეები დემურ სტურუას საქმეში დამნაშავეთა დასჯას და რეპრესიული ნარკოპოლიტიკის წინააღმდეგ ქმედითი ნაბიჯების გადადგმას მოითხოვდნენ. სამტრედიაში გამგზავრებამდე აქცია მათ თბილისში, მთავრობის კანცელარიის შენობასთან გამართეს.
