საპარლამენტო უმრავლესობის წევრი გია ვოლსკი გამორიცხავს, რომ სამტრედიაში დემურ სტურუას თვითმკვლელობამდე მიყვანაში ბრალდებულ პოლიციელს ვინმე მფარველობს.
„არიან დამნაშავეები, დამნაშავე ადამიანები, მათ შორის საზღვარგარეთ წასულები, რომელთა დაკავება დღემდე ვერ ხერხდება და მე მახსოვს ის ადამიანები, რომლებიც იმყოფებოდნენ მიმალვაში და ადრე თუ გვიან, აუცილებლად დააკავებენ. ვერ გეტყვით, მომხდარზე რეაგირება დროული იყო თუ არა, მე ვფიქრობ, რომ არ შეიძლება მყისიერად იქნას დაკავებული ის ადამიანი, რომლის მიმართაც ბრალდება არსებობს. გამოძიებამ აჩვენა, რომ არსებობს სერიოზული მტკიცებულებები და მიუხედავად იმისა, ადამიანი მიმალვაში იმყოფება თუ არა პასუხისგება, აუცილებლად მოუწევს“, - განაცხადა გია ვოლსკიმ.