საფრანგეთმა მოუწოდა თურქეთს, რომ შეწყვიტოს სამხედრო ოპერაციები ქურთების წინააღმდეგ ჩრდილო სირიაში.
„თურქეთს აქვს არჩევანი, მას შეუძლია სამხედრო ძალები განათავსოს სირიაში და იბრძოლოს „ისლამური სახელმწიფოს“ წინააღმდეგ და არა ქურთების, რომლებიც თავად დაუპირისპირდნენ „ისლამური სახელმწიფოს“ მებრძლებს.“ - განაცხადა ფრანსუა ოლანდმა.
აშშ-მა ორშაბათს ასევე გააკეთა განცხადება და მოუწოდა თურქეთს შეწყვიტოს სამხედრო ინტერვენცია ჩრდილო სირიაში. აშშ-მა შეშფოთება გამოთქვა თურქეთის სამხედრო ინტერვენციით იმ ადგილებში, სადაც ISIS-ის მებრძოლები აღარ არიან და ასევე მოუწოდა თურქეთს, საერთო ძალებით იბრძოლონ სირიაში „ისლამური სახელმწიფოს“ მებრძოლების წინააღმდეგ.
ოფიციალური თურქეთის განცხადებით, მათი მთავარი მიზანი თურქეთის საზღვრთან, ქურთების მიერ კონტროლირებად ტერიტორიაზე, სამხედრო ოპერაციების განხორცილებაა, რის შედეგადაც ქურთ აჯანყებულებს არ მიეცემა გაფართოებისა და გაძლიერების საშუალება.
თურქულმა სამხედრო თვითმფრინავებმა ჩრდილო სირიაში რამდენიმე ათეული ობიექტი დაბომბა.
წყარო: Reuters