26 სექტემბერს NASA კონფერენციას მართავს, სადაც იუპიტერის ყინულოვან თანამგზავრზე ჰაბლის ტელესკოპით დაკვირვებისას გაკეთებულ აღმოჩენებზე ისაუბრებს.
მეცნიერები წარადგენენ კვლევის უნიკალურ შედეგებს, რომლებიც, სავარაუდოდ, თანამგზავრ „ევროპის" ზედაპირის ქვეშ ოკეანის არსებობას უკავშირდება.
„ევროპა" ერთ-ერთი უდიდესია იმ 67 თანამგზავრს შორის, რომლებიც იუპიტერის გარშემო მოძრაობენ. იგი ერთ-ერთ საუკეთესო შესაძლებლობად მიიჩნევა მზის სისტემაში სიცოცხლის არსებობის თვალსაზრისით. ასტრობიოლოგები მოსაზრებას გამოთქვამენ, რომ შესაძლოა, მის ოკეანეში ცოცხალმა ორგანიზმებმა გადარჩენა მოახერხეს.